Калісьці на фэст ці на нейкае шэсце

Над Бугам святочна і светла было.

Дзядзінец тады называўся — Бярэсце,

I звестак пра тое нямала дайшло.

Нібыта купец прабіраўся на возе,

I шуснуў у багну загружаны воз.

Бядак азірнуўся: наўсцяж пры дарозе
Аж цесна ад белых і статных бяроз.

Кару дзёр купец і цягаў без спачыну,
Ды вымасціў грэблю і вывез тавар.
Спякотаю вецер высушваў лагчыну
I кідаў бяростаю людзям у твар.

Купец той вярнуўся, паставіў каплічку

На месцы, адкуль мог пайсці жабраком.

Наведваць каплічку зрабілася ў звычку.

— Пайду «на Бярэсце», — казалі  кругом

.

З'явіўся дзядзінец ля рэк у сутоку,

Дзе выбраўся з багны шчаслівы купец.

  Быў горад заслонены Бугам, а збоку

  Жыллё ад нападу прыкрыў Мухавец.

Вякі, што сплылі, быццам качары, цугам,

Назовы мянялі, як слова на жэст, —

Ад Брэста-Літоўска да Брэста-над-Бугам,

А сёння — то мужны і велічны Брэст.

Захопнікі лезлі сюды апантана,

I ледзь адбівалі напад ваяры.

Таму вось і крэпасць была збудавана

На месцы, дзе высіўся горад стары,

 

3 фашысцкай навалай адважна салдаты

У бітву ўступілі світальнай парой, , ,
Стралялі байніцы, фарты, казематы —
Навекі праслаўлена крэпасць-герой. ,

Міні цытадэль — там, дзе Холмская брама

I мост над вадой перайдзі, а далей

Кіруйся направа і трошачкі прама —
Убачыш не меней славуты музей.

Пад небам, дакладней, пад шклом на раске

Увагу прывабiць глыбокі абрыў.

«Бярэсце» — музей, што вядомы ў Еўропе
Знаходку такую сам лёс падарыў.

Маленькія хаткі з астанкамі тыну

Ды іншых збудоў паўгнілыя вянцы.

Тут знойдзены розныя рэчы з бурштыну,

3 жалеза —прылады, з касцей — грабяні

 

Відаць, у той век і купец у знямозе 

Вымошчваў бяростаю летнік глухі,

Пазней праз Бярэсце, па цвёрдай дарозе

Гандлёвыя ўсюды пралеглі шляхі.