Змітрок Бядуля:

“Не саромся, беларус, гаманіць па-свойму - на роднай мове бацькоў і дзядоў сваіх. Шануй сваю мову, шануй свае песні, свае казкі, звычаі і ўсё роднае - гэта спадчына дзядоў і вялікі нацыянальны скарб.

Толькі тады цябе ўсе будуць шанаваць як чалавека, калі сам сябе будзеш шанаваць - калі не адкінеш свайго нацыянальнага ўласнага багацця. А першы скарб нацыянальны - гэта родная мова”.

Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі.  І вельмі дрэнна, калі чалавек пачынае забываць мову, не шануе яе. Для нас, беларусаў, роднай мовай з’яўляецца - беларуская мова. Ці можна адчуваць сябе сапраўдным беларусам, грамадзянінам сваёй дзяржавы, калі не ўжываеш родную мову? Няхай жа душа беларускага чалавека, нарэшце, апранецца ў сваё адзенне, сатканае з такой прыгожай, звонкай беларускай мовы!

У гэты дзень Тэльмаўская сельская бібліятэка прапанавала   акунуцца ў чароўны свет роднай мовы. Гучалі вершы знакамітых пісьменнікаў, удзельнікі адгадвалі загадкі-жарты, з цікавасцю паглядзелі відэафільм “Смак мовы”.

21.02.2025

Онуфриюк М.П.